زى ماوعدت ناس كتير اوى وزى مالعنوان بيقول ... طريقة تحديث اجهزة سونى اريكسون .. اهم حاجة التركيز ف عملية التحديث لأن ادنى خطأ كفيل بوقوع سوفت وير الجهاز ... يرجى تنفيذ كل اللى حقوله بحذافيره لتلافى كافة الاخطاء الممكنة

وبداية أنا اعلن عدم مسؤليتى عن اى خطأ اثناء عملية التحديث يؤدى الى اغلاق الجهاز او وقوع السوفت وير

تنبيهات هامة جدا جدا جدا لتلافى اى خطأ فى عملية التحديث ..

1 - لابد من توافر سرعة انترنت عالية مع ضمان عدم انقطاع الخط اثناء عملية التحديث

2 - ممنوع منعا باتا تحريك الجهاز او فصله الا بعد انتهاء التحديث تماما

3 - التأكد التام من ان الجهاز مشحون على الاخر ... لان عملية التحديث بتسحب من الشحن وانتهاء شحن البطارية يعنى انقطاع عملية التحديث وبالتالى وقوع السوفت وير

4 - لازم تعرف جهازك على الكمبيوتر وذلك من خلال الاسطوانة اللى جاية معاه او عن طريق برنامج ال Pc Suite

وده حتلاقوه ف الروابط دى

للأجهزة العاديةاو الجافا ([فقط الأعضاء المسجلين والمفعلين يمكنهم رؤية الوصلات])

لأجهزة السمارت فون او UIQ ([فقط الأعضاء المسجلين والمفعلين يمكنهم رؤية الوصلات])

وطبعا لازم ف اجهزة السمارت فون او UIQ اللى هى السمبيان اللى هى التاتش ( قلت كل المسميات عشان محدش يرجع يقول انى مقلتش ) لازم ناخد نسخة BackUp لكل الاعدادات والارقام والرسايل عشان منرجعش نقول التحديث مسح كل حاجة .. ف حناخد نسخة من كل اللى ف الجهاز - ماعدا الميمورى كارد - ببرنامج البى سى سوت كالتالى .. والكلام ده لفئة ال P او لأجهزة السيمبيان التاتش ال UIQ :-

1 - نفتح برنامج ال PcSuite وبعدين نختار BackUp Manager .. زى الصورة دى


[فقط الأعضاء المسجلين والمفعلين يمكنهم رؤية الوصلات]

2 - حندوس على كلمة Backup اللى فوق ف الصورة دى


[فقط الأعضاء المسجلين والمفعلين يمكنهم رؤية الوصلات]

3 - نختار الحاجات اللى متعلم عليها ف الصورة دى بس


[فقط الأعضاء المسجلين والمفعلين يمكنهم رؤية الوصلات]

الجهاز حيعمل ريستارت لوحده محدش يقلق ده عشان المعلومات اللى بتتنسخ .. وحيشتغل لوحده ويقولك ان عملية ال Backup تمت بنجاح

4 - ودى بقى بعد التحديث مايخلص حنرجع لنفس الصورة دى بس بدال ماندوس Backup حندوس Restore عشان نرجع المسجات والارقام لان الجهاز حيرجع كالجديد تماما بعد التحديث


[فقط الأعضاء المسجلين والمفعلين يمكنهم رؤية الوصلات]



- متطلبات عملية التحديث

1 - مشغل الفلاش .. وده حتلاقوه ف الرابط ده فلاش بلاير ([فقط الأعضاء المسجلين والمفعلين يمكنهم رؤية الوصلات])

2 - طبعا برنامج التحديث اخر نسخة ... وحتلاقوها هنـــــــــا ([فقط الأعضاء المسجلين والمفعلين يمكنهم رؤية الوصلات])

واليكم طريقة التحديث

بعد التعريفات الخاصة بالجهاز والبى سى سوت والكلام ده كله

حنستب برنامج التحديث وطريقة تسطيبه عادية جدا جدا زى اى برنامج عادى

بعد مايخلص السيت اب حتطلعلنا الصورة دى ... حنعمل زى ماهه وارد فيها بالظبط


[فقط الأعضاء المسجلين والمفعلين يمكنهم رؤية الوصلات]

كدة حيتفتح برنامج التحديث وحتظهرلنا شوية صور ورا بعض بتفيد ان البرنامج بيبحث عن اى تحديثات للبرنامج خاصة بالكمبيوتر وكمان بيجمع معلومات عن الاجهزة المستخدمة الحديثة و و و .. وده مثال لصورة البحث عن تحديثات


[فقط الأعضاء المسجلين والمفعلين يمكنهم رؤية الوصلات]


بعد كدة حنختار اللغة واللغة حتبقى انجليزى بتاع انجلترا مش امريكا .. زى الصورة دى


[فقط الأعضاء المسجلين والمفعلين يمكنهم رؤية الوصلات]

بعد كدة رسالة الترحيب


[فقط الأعضاء المسجلين والمفعلين يمكنهم رؤية الوصلات]

بعد كدة الاتفاقية بتاعة الشركة


[فقط الأعضاء المسجلين والمفعلين يمكنهم رؤية الوصلات]

بعد كدة حيقولك اختار نوع التليفون بتاعك ( اذا كان تاتش او دوار او سلايد او باب او قطعة واحدة ) وانا راسم على الصورة موبايلات كل شكل .. ( معلش بقى الكتابة ببرنامج ال Paint بتاع الويندوز ) ... زى كدة


[فقط الأعضاء المسجلين والمفعلين يمكنهم رؤية الوصلات]

حتختار نوع موبايك من القائمة اللى حتطلعلك وبعدين نييجى بقى لاهم خطوة ف التحديث وهى ازاى نركب الموبايل عشان يتحدث

زى الصور دى وحشرح رقم رقم ياريت تعملوا اللى حقوله بحذافيره وبدون اى استهتار


[فقط الأعضاء المسجلين والمفعلين يمكنهم رؤية الوصلات]

1 - بيقول تأكد ان بطارية موبايلك مشحونة على الاخر
2 - بيقولك وصل كابل الموبايل بالكمبيوتر ( قال يعنى هو مش واصل )
3 - بيقولك اقفل الجهاز
4 - بيقولك شيل البطارية وركبها تانى
5 - بيقولك دوس على حرف C وخليك دايس عليه ومتسيبهوش ووصل الكابل بتاع الموبايل بالموبايل وانت ماسك ال C متسيبهوش خالص ... ماشى
6 - بيأكد علينا منسيبش الزرار C ... طبعا لأن الموبايل وانت دايس على C وتركب الكابل .. ف الوضعية دى الجهاز بيتعرف على الكمبيوتر بطريقة تانية فلازم الاستمرار ف الضغط على زرار C ... مفهوم كدة ليه بنفضل ضاغطين ؟

بالنسبة لجهازى انا عشان SmartPhone او سيمبيان او تاتش فقالى اضغط على حرف ال C اللى هو ف ال P1i رقم 7


[فقط الأعضاء المسجلين والمفعلين يمكنهم رؤية الوصلات]

ودى صورة بتبين زرار ال C ف الموبايلات القطعة واحدة ( وكل جهاز زرار ال C بتاعه ف حته ) ف الموضوع بيختلف من نوع لنوع


[فقط الأعضاء المسجلين والمفعلين يمكنهم رؤية الوصلات]

طبعا حنكمل الشغل تبع جهازى لانى والله دلوقتى معنديش جهاز سونى الا P1i ( الموضوع مش حيختلف بعد كدة بين اى نوع من الاجهزة ) ...
بعد ماحتفضل ضاغط على زرار ال C حيطلعلك رقم جديد ( رقم 7 ) اللى انا معلم عليه ف الصورة دى ومعناه سيب زرار ال C خلاص .. زى الصورة دى


[فقط الأعضاء المسجلين والمفعلين يمكنهم رؤية الوصلات]

يعد كدة حيبحث عن تليفونك عشان يعرفه زى الصورة دى ( مكتوب عليها حذارى انك تفصل التليفون ... بدأنا ف الجد )


[فقط الأعضاء المسجلين والمفعلين يمكنهم رؤية الوصلات]

بعد كدة حيعرفك انه عرف نوع تليفونك وان اختياراتك كانت مظبوطة بالصورة دى ( طبعا هو جايبلى جهازى ال P1i وكل واحد حيجيبله جهازه )


[فقط الأعضاء المسجلين والمفعلين يمكنهم رؤية الوصلات]

بعد كدة حيجيبلك صورة جهازك ومكتوب فوق رقم السوفت وير الجديد اللى المفروض ينزل ( بس انا معرفتش اتحصل على الصورة دى لان عندى اخر تحديث ) ف طلعتلى الصورة دى اللى معناها ان انا عندى اخر تحديث ومش محتاج احدث عشان كدة بيقولى Continue Any Way يعنى كمل تحديث على اى حال ... زى كدة ... وطبعا اللى تجيله الصورة دى يبقى عنده اخر تحديث ومش محتاج يحدث ... كلامى مفهوم


[فقط الأعضاء المسجلين والمفعلين يمكنهم رؤية الوصلات]

انا طبعا دوست Continue واللى معندوس اخر سوفت وير حيدوس على رقم السوفت وير اللى جايله عشان يبدء التحديث واول ماحتدوس على الزارر الخاص بالتحديث حيبدء البرنامج ينزلك اخر سوفت وير على الكمبيوتر بتاعك الاول ... ( طبعا حذارى تحرك التليفون او تفصله .. طبعا لحد دلوقتى مفيش اى خوف على التليفون كل الشغل ده على الكمبيوتر ) زى الصورة دى


[فقط الأعضاء المسجلين والمفعلين يمكنهم رؤية الوصلات]

بعد ماتتم 100% يبدء بقى الشغل ف التليفون ... خلى بالك هنا من اى حاجة تأثر على عملية التحديث او تحريك الجهاز او او او ( يستحسن عدم لمس الجهاز اطلاقا).. و حتظهرلك الصورة دى


[فقط الأعضاء المسجلين والمفعلين يمكنهم رؤية الوصلات]

بعد مايتم نقل السوفت وير الجديد على التليفون بالكامل ويوصل ل 100% حتجيلك الصورة دى ... وكدة الف الف الف مبروك التحديث الجديد


[فقط الأعضاء المسجلين والمفعلين يمكنهم رؤية الوصلات]

ومعنى الصورة ...

1 - يعنى افصل التليفون
2 - يعنى شيل البطارية وحطها تانى وشغل الجهاز ومبروك السوفت الجديد

متهيقلى انا قلت كل حاجة حتى الباك اب للسيمبيان او السمارت فون قلته ولتانى مرة انا بعفى نفسى من اى مسؤلية حد يكون عنده نت بطىء او الكهربا تتقطع عنده او كيبل الموبايل بتاعه يتفك اثناء التحديث او اى حاجة تأثر على العملية كلها او او

ويعلم الله والله العظيم انا بادىء ف الموضوع ده من الساعة 5.30 والساعة دلوقتى 9:20 .... بس كله فدا الاعضاء اللى طلبوا منى الموضوع ده واللى مطلبوش كمان وانا حدثت جهازى تانى عشان اعمل الموضوع ده بس يارب يعجب الاعضاء والكل يستفيد منه

واى استفسار انا تحت الامر

يرجى ذكر اسمى عند نقل الموضوع الى منتدى اخر تقديرا للمجهود المبذول لان والله كل اللى انتوا شايفينوا ده مجهود شخصى دون تدخل من اى حاجة او اى بحث ف منتدى اخر ,, والله الموفق

وتقبلوا منى فائق الود والتحية والاحترام

شـكــ وبارك الله فيك ـــرا لك ... لك مني أجمل تحية .

شكرا لك

موضوع جامد يا مستر والله