بعد هبرة ايام هيهل علينا عيد الام بروايحة الربيعية و طبعا هتمطر السماء كتير من المواضيع من نوعية :n2006100:
بدعه و ضلال و تأمرك من الامركه
او
يجوز شرعا ولا حرج فية
او حتى
هنا اختلف الفقهاء و الـ 90 مليون مفتي طحنوا بعض :n200684: :n200684:
و ستنهال عليك اللينكات من كل ركن و صوب لتلومك
ازاي نحتفل بالام يوم واحد بس دي الام يا جماعة !!! :n200654:
و الام مدرسة يا بني
و عشان ندي الام حقها احسن حل هو اننا في عيد الام نقولها كل سنة و انت طيبة 365 مرة بعدد ايام السنة شروة و احده و نخلص

مش موضوعنا


عيد الام بالنسبة ليا له ذكري كل سنة افتكرها و حتى لو مفتكرتهاش امي لازم نفكرني بيها
و كل سنة تقولي فاكر يا معفن لما ........... !! :n200654:

كعادة اي طفل في الثامنة عيد الام يمثل له اغنيه فايزه احمد ست الحبايب لما خلاص بحفظها من كتر ما بتزن في ودني
و ياسلام لو شادية امي امي حبيبتي روحي يا امي :n200654:
و الحج فوزي احن قلب في الدنيا
طول الليل و النهار لمده يومين
مع فيلم امبراطوريه ميم :n20069:
يع

وطبعا الاطفال في سباق مين اللي هيجيب هديه احلي لمامته
انا كنت عكس كدا خالص
ولا بسأل بحزمه فجل ورور... ولا حتى بصل اخضر:sm250:

اصل امي هاجيب لها ايه يعني ! ورده ؟ كارت فيه كلام حلو ؟
مينفعهــــاش امي ملهاش في الكلام الفاضي ده :n2006108:
احسن تهاديها
بطبق عكاوي , جوزين كوارع عجالي , قالب مشبك دومياطي , كيلو سمك بلطي
او تديها حقها ناشف و كدا يبقي كسبت رضاها طول العمر كدا يعني
مع انها سبحان الله علي غير عادة نساء العصر الحالي من المتزوجات أمي مش ممتلئة خالص :n200698:

كل عيد ام بيمر عليها بتستني مني هديه انه يحصل في مره ابدا
و الايام اللي بعد عيد الام بتبقي ايام ملهاش لون :n200654:
ياسلام لو عملت حاجه , تلطيش يمين وشمال :n200684:
و قرص بقا من منطقة وحشه قووووي
عارف انت لما تزنق فار دايخ و تنفضه بأحلي شبشب :n2006104:
اهو انا ده

شهر بالطريقة دي لما بخس النص من كتر الضرب :n200684:

...
قلت في يوم لنفسي ياواد اضحك عليها بأي حاجه اهو ابعد العذاب عني بدل ماتقرصني قرصه تخلع فخدي فيها ولا تديني قلم تكسر لي الجمجمه
كان معايا مبلع عال و مش بطال 5 جنية علي ما اتذكر

و احترت اجيب ايه اجيب ايه مش عارف و استقريت علي اني اديلها الخمسه جنيه و هي تشوف نفسها بقا تجيب شويه دهب خاتم الماظ او ترضي جبها للمشبك الدمياطي المدور اللي بيلزق ده :n200675:

و انا مروح يوم عيد الام عندي 8 سنين جات في راسي فكره من السما
انا اروح اي مكتبه و اقول للبنت اللي فيها انا عاوز هديه لمامتشي
احتارت البنت معايا ...
شويه و من خيبتها تخيلوا اداتني ايه ؟؟
قلم كحل :n200654:
و ياريت قلم كحل دا قلم مازوت مش كحل
قلم لسه فاكر شكله و تمنه للان
35 قرش
اها بجد الكلام ده سنه 1992 :n200695:

فرحت انا طبعا بالهديه الرخيصه اللي هتقضي الغرض
و رحت في منتهي السعاده و طلعت القلم الكحل من جيبي تقولش شاب رومانسي بيقدم دبدوب بتنين و نص لحبيبته في عيد الحب
ودخلت نافخ نفسي و قلت لها خدي
يعني مش اتفضلي و لا كل سنه وانت طيبه ولا الحاجات دي خالص
خدي :n20069:
بشتري سمك انا مش بهادي حد بهديه
اصلها بيني و بينكم
كانت ضرباني علقه قبلها بيوم و اثار الاحمرار مازالت علي مناطق حساسة
طبعا كلنا عارفين وش الست بيبقي عامل ازاي لما تبقي عاوزه تقول جمله ( ياما جاب الغراب لامه )
الحكمه دي اخترعوها خصيصا عشان وش امي ساعتها
و قالتلي: " ياختي كميلة يا تري حمار مين هيموت النهارده "
شايفين الرومانسية

فرحت جدااا انها اخدت القلم مش عشان عيد الام ولا عيد العمال ولا عيد الثورة حتى
فرحت عشان هتجنب الضرب و القرص و اللكمات القاسية و العلق الجبارة لمده لا بأس بها
مانا دافع رشوة دول 35 قرش يا باااابا
قد ايه كنت طفل ملاك و ديع هادي الطباع :n20069:
كل يوم او بالكتير يومين لازم اخد علقه لاي سبب
ممكن علقه ممكن لكمه قلم شلوط و كله كوم و القرص كووم
و نمت و انا مطمئن البال في سعادة
في انتظار مصير محتوم ..

ههههههههههه......كفايه والله ما بطلت ضحك من ساعة ما قرأتها

شكرا يامستر...........انت كنت صعب اوي وانا معرفش

بجد جامدة مووووووووووووت

هههههههههههههههههههه

بس على فكرة دى مكانها مش هنا وانا نقلتها

شكرا ع المرور يا سمسم ويا ميدو